Ahenda

  • 28-01-2023 » Endjesdurpbal
  • 04-02-2023 » Creme de la Kraem
Volledihe Ahenda

Woaidaehen? Ja, Woaidaehen!!

Of da me volwaerdige Woaidaehe kunne viere in februwoari wéét niemand. Ut ziet er nie goed uut, élaas. Mar De Vlôôientrappers zulle d’r oalles an doen om dur un kleurrijk in ouwerwets Woaidaehen-féést van te maeke!

In februwoarie kah je sowieso ut Vlôôienkrantje verwachte in op de schole gaen de Luusjes an de slag meej ut lespakket. Verder zulle me probére om de butenactiviteiten deur te laete hean. In wie weet, misschien maeke me wel iets meuheluk in ut voorjaer…

Ouw onze website, socials in de media in de haete voh ut leste nieuws! ‘t is vrééd!

Woaidaehen 2022, Me Staen d’r Gekleurd Op!

Me Staen d’r Hekleurd op!

Ut motto voh de Woaidaehen 2021-2022 is bekend: Me Staen d’r Hekleurd op! Tiejes un spesjaále Elluf-Elluf viering Achter ‘t Durp ei Pliessie Witte ut nieuwe motto voh de kommende Woaidaehen bekend hemaekt.

Nae de muzikaele openieng deur Luuze Leven wier om vuuf ure de film hestart. De anwezige Vlôôien in Lûûsjes zaehe oe da ut prottekol in zak in as zat nae u nie deurhaen van de vorige Woaidaehen. De vervéélieng sloeg toe in Prins Kevin, Pliessie Witte in Boer Neuze waere mar gaen wérreke, mar oalles zat téhuh. Helukkig zag Nar Silla oalles positief in, in ‘ield ur de moet in! Nae un smeekbede van Boer Neuze krehe oalle figuren un hekleurd téke te zien: De Woaidaehen haen iendeluk wih van start! Op naer Grôôt Pesôôt!

Nae de bekendmakieng van ut motto in ut lied sloot Oemommenoe de korte viering af.
Me wille iederjin die anwezig was bedanke, net as de dweilbands, Café de Hoop in oalle andere betrokkene. Oôpeluk tot snel, bluuf hezond!

‘t is vrééd

UPDATE Daar haen me wéér: Elluf-Elluf gaet nie deur!

Update 11 november 2021

Jist odde me nog goed nieuws! Mar noe bliekt dat ut tog nie verstandih is om Elluf-Elluf groóts te viere. Hezien de oploópende besmettingen in de kommende maetréhèle ebbe me beslote om Elluf-Elluf in anhepaste in kleinere vorm te vieren. Deze keuze is meej pien in ut ‘art hemaekt, mar ut is de verstandigte keuze.

Oe ziet de anhepaste Elluf-Elluf viering op zaeterdag 13 november d’r dan uut?

  • 16.30 ure: Verzamele Achter ‘t Durp bie ut Ambachtsheren’uus.
  • 16.45 ure: Dweilen op ut plein.
  • 17.00 ure: Bekendmaekieng van ut nieuwe Woaidaehen-motto meej film.
  • 17.20 ure: Afsluutieng deur Prins Kevin, Nar Silla, Boer Neuze in Pliessie Witte.

‘T is vrééd

Me ebbe goed nieuws! Elluf-Elluf op zaeterdag 13 november gaet deur! Vanaf 19.30 ure gaen de deure van Café de Hoop open in zal om 20.00 ure ut jiste echte Woaidaehen féést sinds ander’alluf jaer los barsten!

Vorig jaer moste me Elluf-Elluf nog tuus op de banke vieren, mar noe kunne me wéér hezellig live ut glas heffe op de Woaidaehen. Prins Kevin, Nar Silla, Pliessie Witte in Boer Neuze zulle d’r – samen meej de dweilbands – un hoed féést van maeke! Me ebbe lang henoeg tuus gezete! Mar let wel op: ok ons in ut café ebben ons an de rehels te ouwe. Da betéked da je enkel naar binne mag meej un QR-code / negatieve test en meej controle van je ID-kaert. Daarnaast muhe d’r maximaal 150 Vlôôien ut café in. Bluuve plakke zit d’r hélaas nie in, om 23:59 ure gaet de deure al op slot.

Pak dus avast je bulle uut de motteballe in zoek je klompen op. Tot ziens op zaeterdag 13 november in ‘t café!