Me Maeke d’r Werk Van!

Un nieuwe Pliessie in een nieuw Motto. Tiedens de Elluf-Elluf viering op zaeterdag 9 november in Café de Hoop werd nae un lange zoektocht deur de Boerenploeg, Ut Prottokol in Burgemeester van de Velde – De Wilde maekte Michel Potappel z’n eihe bekend as nieuwe Pliessie Witte (zie de film ‘ieronder).

De Elluf-Elluf viering stond in ut teke van de nieuwe Pliessie. Op ut grôôte scherm in ut café was de zoektocht te zien. Sinds ut vertrek van Tim van Mierlo as Pliessie was ut durp onveilig. Drugslabs, overvallen in overlast: iederjin sprak erover. Ut bestuur kreég van Burgemeester van de Velde – de Wilde – veran’oórdeluk voh de veiligheid op Grôôt Pesôôt – d’ opdracht om binnen drie daege un heschikte Pliessie te vinden. De Boerenploeg ging op zoek deur un pliessie te lokken, keer op keer zonder succes. Dit gaedeheslaege deur Ut Prottekol. Élaás lukte ut de boerenploeg nie om un Pliessie te vinden mà de Burgemeester ‘ad saemen meej Prins Kevin al un geschikte Pliessie gevonde. Op ut Bibberkotje Achter ’t Durp maekte Michel Potappel z’n opwachtieng!

Nae deze ont’ulling maekte Witte zun eihe nieuwe lied in ut motto voh de komende Woaidaehen bekend: Me Maeke d’r Werk Van!

De CD is ingespeeld duur ‘ófband Luuze Leven. De ‘jeugdband’ opende d’n aevond gevollugd deur optrejes van De Lamsôôren, Bentje Betoetert in Oemommenoe.